મને ભક્તિ આપો.

મને ભક્તિ આપોને મુજ માવડી રે

કેમ વાર લગાડો છો આવડી હો માત

                           ભક્તિ આપોને….

મને કીંકર જાણીને દયા કરો રે — ૨

તારા નામથી હું તરુ ભવ પાર રે હો માત

                              ભક્તિ આપોને….

તુજ ભક્તિથી મુનિવર દેવતા રે — ૨

આદી અનાદી હજુ તને સેવતા હો માત

                              ભક્તિ આપોને…….

માજી શરણે આવ્યાંને ઉગારીએ રે

વીરદાળી મા ભીરૂધને વિચારીએ હો માત

                              ભક્તિ આપોને…….

કવિ લાલદાસ કરે માને વિનતી રે — ૨

માડી તુજ વીણ કોઈ નથી આશરો હો માત

ભક્તિ આપોને મુજ માવડી રે

                       મુજ માવડી રે — ૩