મંગલમય મૃત્યુ.

સંતરામ મંદિર નડીયાદ પ્રકાશિત ” મૃત્યુ પછીની દુનિયા ”  પુસ્તકમાંથી ગમેલુ

म्रुत्योः स म्रुत्युं आप्नोति.

ગીતા પ્રવચનુ એક સુત્ર છે,

મૃતિ – સ્મૃતિ શુદ્ધયે

મૃતિ એટલે મરણ ,

સ્મૃતિ એટલે સ્મરણ.

સુત્રકાર કહે છે મૃત્યુનુ સદાય સ્મરણ કરો.  શુદ્ધયે – ચિત્ત શુધ્ધિ માટે.

૧ – શરીરની રાખ થાય,શરીર ભસ્મ થાય એ પહેલાં પિંડગત વાયુને બ્રહ્માંડગત અનિલમાં ભળી જવાનુ છે જે અમૃતમય છે  અર્થાત વ્યક્તિ ગત ચેતનામાં પરમાત્મ ચેતનાનો સાક્ષાત્કાર કરી લેવાનો  છે.દેહ બુધ્ધિથી ઉપર ઉઠીને દેહાતીત તત્વની ઝાંખી કરી લેવાની છે.

૨ – જીવનમાં કૃતજ્ઞતા, કૃતાર્થતા,કૃત કૃત્યતાનુ સામ્રાજ્ય છવાયુ છે, ક્યાંય કોઈ ફરિયાદ માથુ ઊચકતી નથી, આગ્રહ-અપેક્ષા કામ કરતા નથી તો સમજવું કે ચિત્ત મૃત્યુના  સ્વાગત માટે સજ્જ છે.જીવનની સાર્થકતાનુ માપ મૃત્યુ પરથી કાઢી શકાય. મૃત્યુના સમયે ચિત્તમાં પૂર્ણ સમાધાન – સંતોષ છે, કર્તવ્ય- પ્રાપ્તવ્યની  કોઈ ભાવના શેષ નથી રહી તો કહી શકીએ કે જીવન સજ્જ  છે.

૩ – મનુષ્ય ચિત્તમાં મૃત્યુનો ડર ઘર કરીને બેઠો હોય છે. મૃત્યુના સમયે વેદના થશે, સગાં સબંધીઓનો વિયોગ થશે મૃત્યુ પછી શું થશે ?

૪ – મૃત્યુ માટે સદાસર્વદા સજ્જ  રહો. અંતિમ સમયે ચિત્તમાં જે ભાવ હશે તદનુસાર આગળની ગતિ મળશે.

૫ – મૃત્યુ અનાશક્તિનો બોધ આપે છે.તે જ રીતે અસંગ્રહની પ્રેરણા આપે છે. મૃત્યુ પછી આપણી સાથે કોઈ પણ આવવાનુ નથી, સિવાય આપણી સદભાવના.

૬ – મૃત્યુને કોઈ પરમ સખા કહે છે, કોઈ નવજીવન દ્વાર કહે છે તો કોઈ માંગલ્યનુ ધામ કહે છે.મૃત્યુ દૈહિક કષ્ટમાંથી છોડાવે છે. ચિત્તશુધ્ધિની પ્રેરણા દે છે.

૭ – મૃત્યુનુ સ્મરણ જીવનની ક્ષણભંગુરતાની યાદ તાજી કરાવે છે.

૮ – જેનો અંત મધુર તેનુ બધું જ મધુર તો જેનુ મૃત્યુ મધુર , તેનુ જીવન મધુર.

૯ – અંતિમ સમયે ચિત્તમાં ઈશ્વર હોય, ચિત્ત સાંસારિક વાતોથી મુક્ત હોય. દેહ છોડતી વખતે ચિત્તમાં ઈશ્વર હોય તો મનુષ્ય ઈશ્વરભાવને પ્રાપ્ત થાય છે.

૧૦ – મૃત્યુના સમયે અસ્ત થવાની નહી ઉદય પામવાની ભાવના કરવાની છે.ભક્તિ અને યોગબળનો આશ્રય લઈ ચિત્તને સ્થિર રાખવાનુ છે.

૧૧ – મૃત્યુ એ જીવનની કસોટી છે. મૃત્યુની ઘટનાથી માનવના યશ, કિર્તી, એના પ્રભુમય જીવનનો ખ્યાલ આવે છે.જે ઉદાર દિલ, નિર્મળ મનવાળો, દયા , માયાના સદગુણોથી યુક્ત છે તેમનો મૃત્યુ પછીનો માર્ગ પ્રશસ્ત, આનંદમય બને છે. જેવી લોક કલ્યણાર્થ પ્રવૃતિ આ લોકમાં છે તેમ મૃત્યુ પછીની દુનિયામાં પણ છે.

( આત્મા અનંતની યાત્રાએ નીકળ્યો છે, સ્થુળ શરીરના નાશથી આત્માની યાત્રા અટકતી નથી, આગળ ચાલ્યા જ કરે છે. મૃત્યુ તો તેને માર્ગ મોકળો કરી આપે છે, જેથી તેની યાત્રા આગળ વધી શકે. )

મૃત્યુથી ડરવા જેવું શું છે ? મૃત્યુ તો ખરેખર એક મંગલમય અવસર છે.

This entry was posted in ચિંતન. Bookmark the permalink.

1 Response to મંગલમય મૃત્યુ.

  1. Ramesh Patel કહે છે:

    સુશ્રી હેમાબેન..નવા વર્ષે આધ્યાત્મિક સરસ લેખ…આપને તથા પરિવારને નવા વર્ષે ખૂબ ખૂબ શુભેચ્છાઓ.

    રમેશ પટેલ(આકાશદીપ)

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s