પતિતપાવન સાઈનાથ રે , પ્રણમીને કરુ પ્રાર્થના તને
અમીત ભાવથી પાળજો મને,અચળ ધામમાં રાખજો મને.
પતિતપાવન.
નમી નમી ચુમુ પુનિત પાયને, જીવન સોપ્યુ છે સાઈરાયને.
અકળ છે ગતિ સાઈનાથની , બધિર થાય છે મારી તો મતિ.
પતિતપાવન.
સકળ વિશ્વની, સૌ વિભૂતીઓ વસી રહી ખરે આપ મુર્તિમાં,
નીરખી રૂપ એ , દિવ્ય અંગનુ , નયન ન થાકતાં ઉર રીઝતુ.
પતિતપાવન.
કરમની કથા શુ કહુ પ્રભુ ! દુઃખ અનેક છે, કાપજો વિભુ ,
સુમતિ આપીને , ક્લેશ ટાળજો , શરણ લઈને પાપ બાળજો.
પતિતપાવન.
સરળ ભાવથી , પ્રાર્થના કરી જગતનાથ છે સાઈ શ્રી હરિ,
શિરડી ગામ તો દ્વારકા બન્યુ , અમર ધામ તો ભક્તનુ થયુ.
પતિતપાવન.
જય સાંઈ..પરમ કૃપા.
રમેશ પટેલ(આકાશદીપ)